السيسي: الأزمة الاقتصادية مش إحنا السبب فيها.. ومخدناش قرار ورطنا فيه الدولة
قال الرئيس عبد الفتاح السيسي، اليوم الأربعاء، إن أجهزة الدولة تعمل منذ حوالي 8 سنين على امتداد الدولة التطوير بداية من إسكندرية والسلوم وحتى أسوان لتنفيذ مشروعات التطوير وفق رؤية لشكل مصر ومكانتها واقتصادها حتى 2030.
وأضاف خلال حواره مع أهالي مطروح: "تعرضنا لأزمتين مكناش سبب فيهم خالص، أزمة كورونا كان ليها تأثير على العالم والحرب الروسية الأوكرانية.. مخدناش قرار ورطنا فيه الدولة المصرية، معملناش قرار خطير أو إجراء فيه عدم رشد للدولة".
وتابع: "إحنا في أزمة صحيح ولكن هو تحدٍ من تحديات كتير قابلناها، تحدي الإرهاب كان فيه ناس بتقول يا ترى الموضوع ده هيخلص ولا لأ وحالة عدم الاستقرار هتنتهي إمتى ولكن كنت بقول بجهد الناس هينتهي والحمد لله انتهى الإرهاب، وفي جانب من التطوير والتنمية لأهلنا في سيناء وده حقهم علينا، والأزمة الاقتصادية مش إحنا السبب فيها ولكن هنتجاوزها وهتبقى مجرد تاريخ".
وأكمل: "الدلتا الجديدة مش بعيدة عن مطروح وممكن تشغل ناس أشغال مختلفة وتجارة ومنتجات زراعية تروح في اتجاه أشقائنا في ليبيا، وتوشكى وشرق العوينات مش بعيدة وفيه مناطق تانية مش هنقول عليها دلوقتي لحد لما نطمن على إن الدراسات بتحقق الجدوى".
