السيسي: مصر لن تتراجع عن أهدافها بفضل الله والشعب المصري

أكد الرئيس عبد الفتاح السيسي، أن مصر لن تتراجع عن أهدافها بفضل الله والشعب المصري، مشيراً إلى أن الدولة المصرية استطاعت خلال السنوات الماضية أن تُغير الصورة المهتزة التي كانت موجودة عنها في أذهان العالم.

جاء ذلك خلال كلمة الرئيس السيسي في مؤتمر "حكاية وطن"، الذي أقيم اليوم الإثنين، بمناسبة الذكرى الـ50 لانتصارات أكتوبر المجيدة.

وقال الرئيس السيسي: "إحنا مش قليلين بالله المطلع علينا وعلى مسارنا وربنا يعيننا على كل شيء، وكمان إحنا مش قليلين بيكم يا مصريين".

وأضاف: "اللي بنا بلدنا ربنا، وأنا ليا عظيم الشرف إني أقول اللي ساعدني ربنا".

ولفت الرئيس السيسي إلى أن الدولة المصرية استطاعت خلال السنوات الماضية أن تُغير الصورة المهتزة التي كانت موجودة عنها في أذهان العالم، وذلك بفضل سياسة القوة والبناء التي انتهجتها.

وقال: "كان يهمني إن الصورة المهتزة عن الدولة المصرية تنتهي، الصورة اللي اتشكلت عن مصر في أذهان العالم في 2011 و2012 و2013 و2014 تنتهي ويبقى فيه صورة أخرى لدولة قوية قادرة مختلفة وده اللي الشعب عاشوا في التسع سنين اللي فاتوا، إيد تقاتل وتظبط وتسيطر وتمنع بفضل الله وبكل ما أوتينا من قدرة على إننا منتجاوزش ولا نظلم والله شاهد، وإيد تانية بنفس القدرة والقوة تشتغل وتبني وتعمر علشان نغير الواقع القاسي المظلم اللي كان موجودين فيه، نغيره وتبقى بلد تليق بيكم وبأبنائكم وأحفادكم ومحدش هيقدر يعملها غيركم أنتم، صدقوني أنا عارفين هتنجح إزاي؟ هتنجح بالله وبتحملكم وصبركم".