حورية فرغلي باكية ضحايا غزة: لازم جامعة الدول تتدخل.. الناس بتموت
أعلنت الفنانة حورية فرغلي من خلال فيديو نشرته على صفحتها الشخصية على موقع تبادل الصور والفيديوهات القصيرة "إنستجرام" عن تضامنها مع الشعب الفلسطيني ضد عدوان قوات الاحتلال الإسرائيلي على قطاع غزة، وأبدت حزنها الكبير لما يحدث في الشعب الفلسطيني، وذلك بعدما بدأ جيش الاحتلال الإسرائيلي قصفه لغزة.
ودخلت "فرغلي" في حالة بكاء وقالت خلال الفيديو، "أنا بعمل الفيديو ده تضامن مع شعب فلسطين الحبيب وقلبي كله حزن وبيتقطع من اللي أنا بشوفه، ويا رب فك كربهم وينصر أهلنا في فلسطين.. الأطفال اللي بيموتوا مش ذنبهم حاجة والناس مش ذنبها حاجة اللي بتروح ضحايا من غير ما تعمل أي حاجة".
تدخل جامعة الدول
وتابعت، "معقولة الناس تروح ضحايا حد عمل حاجة غلط هما ذنبهم إيه الناس دي تموت، يعني انتوا بتحاسبوا شعب بسبب فئة غلطت حرام الناس اللي بتموت دي يا جماعة، أنا مليش في السياسة خالص ولا بتكلم فيها بس والله العظيم لأول مرة، لازم جامعة الدول تتكلم وتعمل حاجة واحد يحاسب البلد كلها، وحرام الأطفال اللي بتموت دي اللي مش ذنبها إنها جت الدنيا تخرج وتدخل الدنيا بمزجنا إحنا".
وأنهت، "بصراحة أنا حزينة جدًا جدًا وبشوف الفيديوهات بتقطع وساعات مش بقدر أكملها بس لازم يكون فيه حل، ولازم الناس اللي تقدر تحل تحل بجد حرام اللي بيحصل ده وأنا بدعي ربنا إن الموضوع ده ينتهي".
