الرئيس: «أهل الإمارات حبايبنا ودايمًا مع بعض في كل خير»
أعرب الفنان الإماراتي، حسين الجسمي، اليوم الأربعاء، عن سعادته بحضور احتفالية «قادرون باختلاف» في نسخته الخامسة، مشيرًا إلى أنه يرى تطور أبطال احتفالية «قادرون باختلاف» عام بعد عام بدعم من الرئيس عبدالفتاح السيسي.
وأضاف «الجسمي»، خلال احتفالية قادرون باختلاف: «وهذا عمره ما هيكون ولا هيصير إلا بدعم أبوهم في ضهرهم، واللي خلي مصر كلها تبقى في ضهرهم، وأنا أتشرف كإماراتي مصري إني أكون دائمًا في ضهرهم عشان يا فخامة الرئيس أجدع ناس هم اللي دائمًا بيقفوا في ضهر بعض».
من جانبه، قال الرئيس السيسي: «ده أنا اللي بشكرك على كلامك الجميل وأحاسيسك الجميلة إحنا فعلًا إخوات يا حسين، أنت متعرفش أهل الإمارات قد إيه هم حبايبنا ومتعرفش رئيس الإمارات الشيخ محمد بن زايد، ده أخويا وحبيبي.. وأنت وجودك معانا رسالة متشكر جدًا ودايمًا مع بعض في كل خير».
