باسم سمرة: الستات بتعيش أكتر من الرجالة عشان بتعيط طول الوقت

كشف الفنان باسم سمرة عن رأيه في مقولة "الراجل ميعيطش"، مؤكدا على أن بعض المواقف تكون شديدة التأثير في الرجل وقد تدفعه للبكاء.

وقال باسم سمرة خلال لقائه مع الإعلامية إنجي علي في برنامج "أسرار النجوم" المذاع عبر نجوم إف إم: "الستات عمرها أطول من الرجالة، علشان طول الوقت بتعيط عمال على بطال، وهرموناتها مجنناها".

وأضاف: "الراجل يا حرام بيستعيب، علشان كده بنخلص بدري بدري، في مواقف منقدرش نتحكم فيها، لما أفتكر موقف مثلا مع أبوا بتأثر جدا".

وخلال فقرة الأمثال الشعبية بالبرنامج، عقب باسم سمرة على مثل "اكسر للبنت ضلع يطلع لها 24 ضلع" قائلا: "على حسب إنت علمتها إزاي، هي لو متعلمة ومثقفة وأنا صارف كويس مفيش حاجة اسمها ضرب".

وتابع: "لو تعليمها على أدها ومعندهاش فكر ممكن التقويم مش الضرب".

أعماله الأخيرة

يذكر أن باسم سمرة شارك في بطولة مسلسل "العتاولة"، الذي عرض في شهر رمضان الماضي.

ومسلسل "العتاولة" من بطولة أحمد السقا، طارق لطفي، باسم سمرة، زينة، صلاح عبدالله، مي كساب، ميمي جمال، فريدة سيف النصر وآخرين. تأليف هشام هلال، وإخراج أحمد خالد موسى، وإنتاج سيدرز آرت برودكشين.

كما يشارك باسم سمرة في فيلم "اللعب مع العيال"، والمقرر طرحه خلال العام الجاري 2024، من بطولة النجم محمد إمام.

فيلم "اللعب مع العيال" حمل في البداية اسم "الأستاذ"، ثم "علام عام"، قبل أن يتم الاستقرار على الاسم الحالي "اللعب مع العيال".

تضمن الإعلان التشويق للفيلم مشهدا جمع بين محمد إمام وباسم سمرة، يقوم فيه الأخير بتقديم أصابع من الديناميت لمحمد إمام بطريقة كوميدية.

وكتب محمد إمام معلقا على برومو الفيلم: "توكلنا على الله.. الإعلان الأول لفيلم اللعب مع العيال.. مع المخرج الكبير شريف عرفة. مفاجأة 2024 إن شاء الله قريباً".