بالمستندات: اعترافات معيد الهندسة قاتل والديه وشقيقه وصديقه: خدعتهم واستوليت على 40 مليون جنيه.. وقتلتهم علشان عايزيني أرجعها
حصل "ذات مصر" على نص التحقيقات واعترافات معيد كلية الهندسة بجامعة الأهرام الكندية، في القضية المتهم فيها بقتل والديه وشقيقه وصديقه بمذبحة دار السلام على إثر خلافات نشبت بينهم، والمحال بمقتضاها إلى المحاكمة الجنائية أمام محكمة جنايات القاهرة.
حملت القضية الرقم 3057 لسنة 2024 جنايات قسم شرطة دار السلام، وقيدت تحت رقم 397 لسنة 2024 كلي حلوان الكلية، وتم التحقيق فيها تحت اشراف المستشار مصطفى المتناوي المحامي العام الأول لنيابة حلوان الكلية، وجاءت نص التحقيقات كالتالي...
نص التحقيقات
* اسمك وسنك وعملك؟
--- أحمد محمد أحمد عبدالشافي – 23 سنة – معيد بكلية الهندسة بجامعة الأهرام الكندية".
* ما هي ظروف نشأتك؟
--- أنا خلصت ثانوية عامة وجايب 93% وشوية، وكنت شاطر جدا وبحب التعليم وأهلي كانوا بيحبوني علشان كدة، وبدأوا يثقوا فيها ويشيلوا معايا الفلوس علشان أنا كانت دماغي حلوة، ودماغي سم زيهم وبحب الفلوس، ودخلت جامعة الأهرام الكندية في أكتوبر وكنت شاطر جدا فيها وطلعت من الأوائل واتعينت معيد في الجامعة.
* هل لديك علاقات نسائية أو مرتبط؟
--- أنا من 3 شهور خطبت واحدة اسمها "إيمي" من المنصورة، وهي كانت بنت صديقة أمي، وبقالنا شهرين ونص مخطوبين، وجبت شبكة بـ 80 ألف جنيه، وهي بتدرس في ثانية معهد هندسة.
* متى بدأت الخلافات الأسرية بينكم وفكرت في جرائمك؟
--- وأنا في أولى جامعة حصلت مشكلة بين ماما وبابا بسبب إن ماما ضيعت عقود العماير والشقق المملوكة لينا، وهما اتفقوا إنهم هيعملوا عقود جديدة وأنا اللي هكتبها ليهم كلها، وبعد كدة أنا فكرت إني أطمع وأخد كل حاجة ليا.
* وماذا فعلت حينها؟
--- أنا بقيت بكتب العقود بإسمي ومش بقولهم حاجة وبمضيهم على إنهم شهود ومستغل إنهم مش بيعرفوا يقرأوا أو يكتبوا وجهله، وعملت كدة في العمارتين الي في دار السلام ومحل، وهما مكنوش عارفين حاجة خالص، وأنا بقى معايا أملاك بحوالي 40 مليون جنيه.. وهو يا باشا عايزين بأخدوا مني 40 مليون جنيه.. إزاي يعني!.
* وماذا حدث بعد ذلك؟
--- أنا فضلت كدة لحد ما أبويا وأمي عرفوا بالي عملع لما شافوا وصولات المياه والكهرباء باسمي، وساعتها اتخانقنا وبعدها قالولي خلاص وزع انت الفلوس، وسابوني وقالولي متقولش أي حاجة لهيثم أخوك، وهما أساسا مكنوش بيحبوه لشان مش زيي وبيضيع الفلوس وبيخرج ويصرف فلوس، وهو كان الإبن المدلل ليهم في صرف الفلوس وأنا مكنتش بصرف أي حاجة خالص.. كنت بجمع فلوس بس.. ومن هنا بدأت المشاكل.
* ما تفاصيل المشاكل؟
--- بدات المشاكل علشان هما مبقوش واثقين فيا.. لحد لما أخويا هيثم عرف كل حاجة من وصولات المياه والكهرباء، واتخانق مع بابا وماما ومسكوا في بعض، واتفقوا على نه ياخد ألف ونص يوميا، وياخد حوالي مليون جنيه يجيب بيها شقة ليه، بس المشاكل مخلصتش.
* لماذا لم تنتهي المشاكل؟
--- هما كانوا عايزين كل شوية يأخدوا مني الفلوس تدريجي، وكل شوية كانت تحصل مشاكل فأنا وضعت مخطط للتخلص منهم كلهم وسرقتهم.
* كيف خططت للجريمة؟
--- أنا جبت سلاح واشتريت منظفات ومواد بناء "أسمنت" علشان أغطي الجثث بيها بعد لما أقتلهم.
* وماذا فعلت تحديدا؟
--- في يوم الجريمة كان أبويا جاي عندي علشان خناقة فأنا جنت مجهز سلاح ناري، وأول لما جه ضربته بالنار فوقع على الأرض، وبعد كدة أمي سمعت الصوت فجريت علينا فضربتها بطلقتين وماتت، وببص على أبويا لقيت فيه الروح، فجيبت "المطواه" بتاعتي وفضلت أطعن بيه كتير لحد لما مات.
* وماذا فعلت حينا؟
--- أنا سحبت أبويا وحطيته تحت عربيه كانت موجوده في مكان الواقعة في العمارة بتاعتنا، وبعد كدة سحبت أمي وحطيتها تحت السرير وغطيتها بالأسمنت.
* وماذا حدث مع أخيك وصديقه؟
--- أنا هربت من البيت يومين وبعد كدة قررت العودة للتخلص من أخويا، وأتصلت عليه علشان أستدرجه للمكان بأننا عاوزين نتكلم كلنا مع أبويا وأمي، وبالفعل جه العمارة، وأول ما دخل ضربته بالنار ومات، واتفاجئت بصاحبه كان جاي معاه طلع علينا يشوف في أيه لما سمع صوت ضرب النار، فقمت ضاربه هو كمان بالنار.
* وماذا فعلت في جثتهما؟
--- أنا سحبت كل واحد بعيد عن الثاني وغطيت كل جثة بالأسمنت علشان أخفيهم، ومفيش ريحة تطلع.
* وكيف تم القبض عليك؟
--- أنا فوجئت برجال الشرطة كانت جاية تسأل وتحقق في بلاغ مقدم من إبن صاحب أخويا بأنه متغيب وكان أخر مرة شوهد مع أخويا قبل الجريمة، ولما دخلوا شموا ريحة الجثث المتعفة، وبدأوا يفتشوا في المكان ويكتشفوا الجثث واحد ورا الثاني لحد ما وصلوا للأربع جثث الي قتلتهم وحاولت أخفيهم، وكان معايا شنطة كنت سارق فيها الذهب بتاع أمي وكنت مخطط أهرب بيه وقتها، بس تم القبض عليا وأترحلت إلى النيابة.
