تفاصيل صادمة في واقعة إلقاء قطة جائعة أسفل سيارة بعابدين

كشفت أسماء حسن، صاحبة البلاغ ضد عامل مطعم تم حبسه 6 أشهر لقيامه بإلقاء قطة جائعة أسفل سيارة بشارع عدلي بوسط القاهرة، تفاصيل الواقعة المؤلمة.

وقالت أسماء فى منشور على صفحتها الشخصية في «فيسبوك» إنه «تم عمل محضر في قسم شرطة عابدين ضد العامل قاتل القطة عمدا، وذلك يوم 5 مارس 2023 باسمي، وكان حاضرا معي مندوبون من جمعيات الرفق بالحيوان وشاهدة أخرى». وأضافت أنه تمت متابعة الموضوع في نيابة عابدين بتاريخ 6 مارس وتم ضبط وإحضار المتهم، وأمرت النيابة بتفريغ الكاميرات، وأثبتت اعتداء المتهم على القطة برميها أمام عربية نقل في شارع عدلي بوسط البلد.

وعن الواقعة كتبت على صفحتها: «ببساطة في قطة صغيرة دخلت المطعم وانا كنت قاعده وطلعت قعدت شوية على رجلي ونزلت لفت في المطعم تحت الترابيزات علي امل ان حد يديها لقمة بس، وفجاة لاقيت حد من ال stuff شلها بمنتهي العنف وانا لما شكيت في سلوكه طلعت وراه لاقيت القطة تحت العربيات ميتة والعساكر اللي واقفين قدام المعبد اليهودي في شارع عدلي بيشتموه ويدعوا عليه والصورة موضحة القطة حصلها ايه وطبعا انا دخلت جري اقتحمت المطبخ وره القذر اللي عمل كدة وقلتله انت عارف انك موتت القطة قالي بمنتهي البجاحة اه عارف وفيها ايه وده ادي اني ثورت جدا وكنت هكسرلهم المحل لولا ان الناس كلها قامت واعترضت طبعا علي اللي القذر ده عمله وملقناش من ادارة المطعم الا برود وقذارة وعنجهية». 

وتابعت: «اتمني البوست ده يوصل لحد مسؤل عشان نقدر ناخد اجراء ضد المكان ده مع العلم ام كل الشهود موجودين ، وأشارت مع العلم ان ناس كتير قامتو سابت المكان والحمد لله مكنتش لواحدي في المعركة دي».

يذكر أن محكمة جنح عابدين قضت، اليوم السبت، بمعاقبة عامل بالحبس 6 أشهر لاتهامه بقتل قطة عمدًا بدائرة قسم شرطة عابدين.