الرئيس السيسي: "نخلي بالنا من البلد دي والخراب ميتكررش تاني"

أعلن الرئيس عبدالفتاح السيسي، الاحتفال مع أسر الشهداء بمناسبة تطهير سيناء من الإرهابيين قائلا: "احنا إن شاء الله هنحتفل كلنا وأسر الشهداء معانا في يوم، بس هتشوفوا سيناء غير اللى الصورة المؤلمة اللى هي صورة الأشرار.

الندوة التثقيفية الـ 37 للقوات المسلحة

 

وأضاف الرئيس السيسي خلال الندوة التثقيفية الـ 37: "لا هتشوفوها بفضل الله سبحانه وتعالي صورة انتوا كمان هتفرحوا إن أولادكم قدموا أرواحهم لأجل البلد دي ..مش مصر بس ..حتة من سيناء نروح فيها كلنا نحتفل والدنيا هتبقا مختلفة خالص".

وقال الرئيس عبدالفتاح السيسي، إن الثمن الذى لا يجب أن ننساه هو عدم تكرار الخراب الذى شهدته البلاد خلال العشر سنوات الماضية.

وأضاف الرئيس السيسي: "التمن اللى مننسهوش حقيقي هو ان احنا نخلي بالنا من البلد دي.. والكلام ده ميتكررش فينا تاني.. والخراب اللى كان ممكن مصر تشوفه خلال العشر سنين اللى فاتوا ميتكررش تاني.. بمين؟ ..مش بالجيش والشرطة بكل المصريين.. قبل كل شيء وفوق ده كله ربنا سبحانه وتعالي مطلع علينا".

وشاهد الرئيس عبدالفتاح السيسي، عرضا فنيا بعنوان "بطل الحكاية"، بمناسبة يوم الشهيد، وذلك خلال الندوة التثقيفية الـ 37 للقوات المسلحة.

واستمع الرئيس عبد الفتاح السيسي منذ قليل إلى أغنية "مليون شهيد" بصوت الفنانة كارمن سليمان، وذلك خلال فعاليات الندوة التثقيفية الـ 37 للقوات المسلحة.

وتحتفل القوات المسلحة المصرية يوم 9 مارس من كل عام بيوم الشهيد، وذلك تخليدا لأرواح الشهداء والتذكير بالتضحيات التى قاموا بها في سبيل الحفاظ على الوطن.