السيسي: «هنوريكوا صور وأسماء كل المجرمين في سيناء»

أعلن الرئيس عبدالفتاح السيسي، اليوم الخميس، عن إقامة معرض يتضمن صور وأسماء الإرهابيين، قائلا: "في المعرض هنوريكوا صور وأسماء كل المجرمين هناك بالأسم والصورة لكل مجرم منهم ".

الندوة التثقيفية الـ 37 للقوات المسلحة
 

وأضاف الرئيس السيسي خلال الاحتفال بيوم الشهيد: «أوعوا الموضوع ده يتكرر تانى .. أوعوا يا مصريين تتسببوا مرة تانية فى خراب بلادكم الكلام ده التعمل لما البلد اتفكت في 2011 وهفضل أكررها واتحاسب قدام ربنا على الكلام ده.. الكلام ده حصل لما البلد اتفكت في 2011».

وتحدث الرئيس السيسي عن أهمية تعليم الطلاب ما حدث فى مصر من أحداث منذ 2011، قائلا: «علموا الكلام ده في المدارس والإعلام والكليات، ده أمر مهم قوى تدمير الدول من الداخل، ده فكر وعلم وأرخص على اللي بيعملوه تكاليفه قليلة والنتيجة تدمير بلد بأهلها.. ودايما هيبقى موجود الكويس واللى مش كويس اطمنكم أن أحنا بخير وسلام وأمان وكل يوم أفضل من امبارح».

وأضاف الرئيس السيسي: «إذا كانت الناس هتتصور إن أزمة اقتصادية زى اللى أحنا بنمر بيها هو ده القياس الحقيقي للدولة المصرية يبقى أنتم بتظلموا بتكلم بصراحة .. إذا كان القياس ظروفنا الاقتصادية طيب كنا عاملين إزاى في 2011 – 2013 مهم مننساش إن الدولة كانت خلاص مفيش، وكان ممكن قوى البلد تدخل حرب أهلية ونقعد سنين طويلة».

وتابع الرئيس: «لغاية دلوقتى فيه دول دخلت مخرجتش... الموضوع كله قدام عنينيا... وربنا أراد للبلد دى إنها متخشش حرب أهلية ... هو ربنا أراد كده رغم كل التخطيط والمكر لكن إرادته سبحانه وتعالي أنها تنجو».

وفى نهاية كلمته، توجه بالتحية لأسر كل الشهداء والمصابين قائلا: «بنقولهم دايما عهدنا معاكم أن أحنا أبدا لن ننساكم وده أقل حاجة ممكن نعملها علشانكم، لكن العهد الأكبر أن أحنا هنخلي تمن دماء أبناءكم والإصابات هو ميلاد دولة تفتخروا بها».