روجينا: «جاتلي حالة نفسية بعد الحلاقة ومش قادرة أبص في المراية»
تحدثت الفنانة روجينا، عن تحضيرات شخصية ستهم، والتي تجسدها خلال أحداث مسلسل ستهم الذي تخوض به السباق الرمضاني الجاري.
تصريحات روجينا عن مسلسل “ستهم”
وقالت روجينا في تصريحات تليفزيونية: لكل مجتهد نصيب وردود الأفعال جميل جدًا على الشخصية لأنها شخصية حقيقية من المجتمع، والناس متأثر بالست المصرية اللي اتظلمت ولبست توب الرجال ونزلت تشتغل والمجتمع بيرفضها وبيقهرها، ودي رحلة صعبة على أي ست أنها تخوضها، أنا لما جربت التجربة دي، سيبت ستهم وبقيت أنا روجينا بتفرج على الست دي
وتابعت روجينا متحدثة عن كواليس حلاقة شعرها بسبب مسلسل ستهم: أول ما صورنا الصورة من غير شعر اللي نزلت من شهور، عملنا مشهد الحلاقة وبالفعل أنا حلقت شعري، واتكتب مشاهد وستهم من غير شعر وأنا كان شعري بدأ يطلع، قولتلهم مش هقدر أحلق شعري تاني، وهما كانوا عايزني طول المسلسل زي الرجالة كل ما شعري يطلع أحلق، قولتلهم أنا حلقت مرة ومهمة حصل مش هقدر أعملها تاني.
وأضافت روجينا أنها عانت من حالة نفسية بسبب حلاقة شعرها، قائلة: جاتلي حالة نفسية بعد الحلاقة ومش قادرة أشوف نفسي في المراية، في البيت بقيت مسار سخرية، وبيقولوا علشان تعملي شخصية عملتي كده في نفسك؟ وأنا حسيت إحساس وحش بصراحة ورفضت أحلق شعري تاني، وبحط شعر مستعار لو في أي تكريم أو مناسبة.
كما كشفت روجينا عن أصعب مشاهد مسلسل ستهم، قائلة: أصعب مشهد صورته في مسلسل ستهم كان مشهد موت الابن، كان صعب جدًا عليا وبعد ما خلصت المشهد اترميت في الأرض وجالي حالة هيستريا، ولغاية دلوقتي مش مظبوطة نفسيًا وعندي حالة من الظلم والقهر جوايا، وعندي ردود أفعال للأشياء زي الرجالة.
وتابعت: وأنا بضرب الراجل في الجبل كنت عايزة أثبت إني جامد واتضح إن الزجاجة اللي مسكاها في المشهد حقيقية وفتحت راس الراجل ووقعت أغمى عليا.
مريم أشرف زكي تشارك والدتها
خاضت «مريم» ابنة الفنان أشرف زكي تجربتها الأولى في عالم التمثيل، لتشارك في دراما رمضان 2023 بمسلسل «ستهم»، لتكن هذه هي المرة الأولى التي تقف أمام والدتها روجينا.
وصرحت الفنانة روجينا بأنها كانت تحرص على مراقبة ابنتها مريم أثناء تصوير المشاهد، ورؤية كيف تقدم الشخصية، مضيفة: «المشاهد اللي كنت بصورها مع مريم كنت ببقى خايفة عليها أوي، وبشوفها بتمثل كويس ولا لأ، وكنت ببقى متوترة أوي في أول المشهد، وهي شبه عمتها ماجدة زكي أوي».
