السيسي: الدول اللي حصل فيها مشاكل واقتتال جه منهم ناس عندنا بالملايين

ذات مصر

قال رئيس الجمهورية عبد الفتاح السيسي، إن حجم العمل الذي حدث في مصر جاء بفضل تكاتف الشعب مع الدولة، مؤكدًا تجاوز أي أزمة بفضل تكاتفهما معًا.

وأردف الرئيس عبد الفتاح السيسي خلال كلمته، منذ قليل، في لقاءٍ بعدد من المواطنين أثناء زيارته لقرية الأبعادية بمحافظة البحيرة: «إحنا في أزمة بقالنا 3 سنين، بدأت بفيروس كورونا، وده كان له تأثير كبير على العالم وعلينا، لكن المهم إحنا في مصر لم نتوقف، وجت الأزمة الروسية الأوكرانية، وكان لها تأثير علينا وعلى الاقتصاد العالمي، يمكن تكون بطأتنا شوية، ويمكن تكون غلت الأسعار كتير.. خلي بالكم إحنا في الـ3 سنين دول، زدنا 6 ملايين، مش بقصد بالكلمة دي أي حاجة، لكن بحط قدامكم الصورة جنب بعضها».

السيسي يوجه كلمه للشعب السوداني

وأضاف السيسي: «دي فرصة أقول لأشقائنا في السودان ولأي بلد خلوا بالكم من بلدكم، ولما كنت بقول خلوا بالكم من بلدكم كانت الناس بتقول هو بيقول الكلام ده ليه؟، كنت بقول الكلام ده لأني شوفت وربنا أراد إننا كلنا نشوف، لما حصلت مشاكل في بلاد أخرى الناس مقدرتش تقعد وسابت بلدها، وجت عندنا وفي حتت تانية، اعرفوا إن الدول اللي حصل فيها مشاكل واقتتال جه منهم عندنا بالملايين، عايشين معانا، وظروفنا صعبة كان ممكن نقول لا، بيدخلوا المدارس بتاعتنا والمستشفيات اللي موجودة، إحنا بنتشارك، واللي موجود مش كتير، لكن إحنا بنتشارك فيه.

وأشار رئيس الجمهورية، إلى مشكلة الزيادة السكانية، قائلًا: حتى عام 1953 كنا 19 و20 مليونا، كل مصر ريف وحضر، ثم في عهد الرئيس السادات وصلنا إلى 40 مليونا، وفي 2011 كنا تقريبا 80 مليونا، اليوم 105 ملايين، وإحنا قاعدين مع بعض كده بقالنا كام دقيقة، كل 15 ثانية فيه مولود جديد، يعني كل دقيقة 4 أطفال.