الرئيس السيسي: «مكنش فيه بنية أساسية ودلوقتي بنحفر مستقبل بلدنا»
قال الرئيس عبد الفتاح السيسي، إن الكثيرين ينتقدون بعض المشروعات داخل الدولة، معلقا: “فيه كتير يقولك الطريق ده بتعمله ليه؟ وبتردم هنا ليه؟ المستقبل بتاع البلد دي لو مكنش فيه بنية أساسية تليق بدولة يبقى أنت مش بتعمل مستقبل خالص”.
الرئيس السيسي خلال افتتاح ميناء الإسكندرية
أضاف الرئيس السيسي، في تعقيبه على كلمة وزير النقل كامل الوزير، بافتتاح ميناء الإسكندرية: “فاكرين هعمل شغل للناس إزاي؟ هتخلي الناس تشتغل في الحتت دي وأوفر فرص عمل”.
وتابع الرئيس: “أنا كنت بقول دايما إن أفريقيا البنية الأساسية اللي فيها تحتاج آلاف المليارات من الدولارات علشان تبقى دول، وعلشان الناس فيها تعيش صحيح وتبطل اقتتال والناس بتتقاتل ليه؟.. مفيش أمل، وعلشان تعمل الأمل لازم تبني كتير جدا، مش تبني طريق زي ما الناس كلها فاكرة إننا بنعمل طريق”.
واستكمل: “أنا بشرح الشرح ده ليا وللمسؤولين وللناس في مصر، وللناس المهتمة في العالم تعرف الدول ليه مش مستقرة.. الناس عايزه تعيش"، مضيفًا: "أنا بقولكم الكلام ده علشان أقولكم إننا بنحفر مستقبل بلدنا، أنا ماعنديش أي شك في ده، الناس في مصر لازم تسمع كويس إن كل طوبة بتتعمل في البلد دي أنا معاها وشايفها".
