انفراد بالمستندات: مسؤول بالنادي الأهلي عن اتهامه بتجارة المخدرات: ضربوني في القسم "على وشي وقفايا".. ورئيس المباحث "لفق" القضية
حصل "ذات مصر" على نص التحقيقات واستجواب مسؤول بارز بالنادي الأهلي استغل معرفته وعلاقاته بتجار المخدرات، ليصبح واحد من كبار تاجر المخدرات، وذلك أمام النيابة العامة، والتي جاءت كالتالي...
نص الاستجواب
- اسمك وسنك وعملك؟
*** خالد م. ع. س.، 35 سنة، رئيس قسم الإدارة الهندسية بالنادي الأهلي فرع الجزيرة، ومحصل بشركة "ديار" للمباني الحديثة.
- ما قولك فيما هو منسوب اليك من أنك متهم بحيازة جوهر الهروين المخدر بقصد الاتجار؟
*** محصلش.
- ما قولك فيما هو منسوب اليك من أنك متهم بحيازة جوهر الحشيش المخدر بقصد الاتجار؟
*** محصلش.
- ما قولك فيما هو منسوب اليك من أنك متهم بحيازة مادة "الشابو" المخدر بقصد الاتجار؟
*** محصلش.
- ما قولك فيما هو منسوب اليك من أنك متهم بحيازة مادة "الكتامين" المخدر بقصد الاتجار؟
*** محصلش.
- ما قولك فيما هو منسوب اليك من أنك متهم بحيازة أقراص مخدرة بقصد الاتجار؟
*** محصلش.
- ما قولك فيما هو منسوب اليك من أنك متهم بحيازة ذخائر (عدد 5طلقات عيار 9مللي) بقصد الدفاع عن النفس وبغير ترخيص؟
*** محصلش.
ما قولك فيما هو منسوب اليك من أنك متهم بحيازة واحراز أسلحة بيضاء (2 مطواه قرن غزال وسيلف دفنس وشفرة كتر) دون مسوغ قانوني؟
محصلش
- ما قولك فيما هو منسوب اليك من أنك متهم بحيازة دراجة نارية (سكوتر) دون لوحات معدنية ودون حملك ثمة تراخيص؟
*** أنا معايا الجواب بتاعه.. ولسة مطلعتش الرخص.
- ما الذي حدث وما هي ظروف ضبطك واحضارك وعرضك علينا؟
*** أنا كنت بحصل فلوس من ناس في المعادي.. والفلوس دي مستحقات لشركة "ديار" الي أنا شغال فيها، وبعد ما خلصت ولميت مبلغ 65 ألف جنيه من الناس دول رجعت على النادي الأهلي الجزيرة الي أنا شغال فيه علشان أختم انصراف، علشان كنت ماشي من النادي وواخد إذن أروح أحصل الفلوس وأرجع، وبعدين روحت اشتريت طلبات للبيت عندي، وبعدين روحت البيت وأنا قدام البيت قبل ما أدخل الأسكوتر بتاعي الجراج لقيت العامل بتاع الجراج بيقولي إن في أمين شرطة سأل عليا وهو واقف في ميدان جمال الدين أبو المحاسن، فأنا أخدت الأسكوتر بتاعي وروحتله علشان أشوف هو عايزني في أيه، ولما روحتله لقيته بيقولي رئيس المباحث عايزني فأنا بقوله هو عايزني ليه زعقلي الأول وكان عايز يأخد مني مفتاح الأسكوتر بالعافية قدام الناس، والناس الي في الشارع جيراني هدوا الموضوع ما بينا وأقنعوني أروح معاه على القسم، وبعدين روحت معاه القسم وأول ما دخلت القسم دخلوني لرئيس المباحث، لقيته حاطط على المكتب حشيش ومطواه وطلقات صوت وصورة الكارنيه بتاعي وسيلف دفنس، وقالي الحاجات دي بتاعتك، وأنا قولتله أنا معرفش حاجة عن الكلام ده، وبعدين رئيس المباحث والأمناء الي موجودين معاه فضلوا يضربوني على (وشي وقفايا)، وبعدين طلع كمان كيس كبير فيه بدره وحطه على المكتب وقالي أنا هلبسك 15 سنة سجن، وبعدين خرجوني بره وبعدها دخلوني تاني لرئيس المباحث مكتبه لقيته مطلعلي زجاجة شفافة فيها سائل وسألني أيه دي قلت له معرفش، قالي دة "كتامين" وبعدين خرجوني وفضلت قاعد في الوحدة بتاعت المباحث، وحوالي الساعة 4 الفجر نزلوني الحجز.
