«طلعتونا مش رجاله».. القصة الكاملة لخطوبة عمرو راضي وهدير النحاس المثيرة

تصدر البلوجر عمرو راضي التريند في الساعات القليلة الماضية بعد إعلان خطبته على البلوجر وعارضة الأزياء هدير النحاس، ذلك عقب تقدمه لخطبتها داخل السينما وسط حضور أصدقائهم.

انتقادات الجمهور لـ عمرو راضي وخطيبته

 وتفاعل الجمهور مع إعلان خطبتهم والطريقة التي جرت بها، إلا أن صورة نشرها البلوجر محمد عصام الجمل برفقة عمرو راضي وخطيبته هدير النحاس أثارت حالة من الجدل عبر السوشيال ميديا.

ونشر البلوجر محمد عصام صورة، رافقا إياها بتعليق: «أحلى واحدة شافتها عينه بجد والله»، في إشارة إلى عمرو راضي ورؤيته لخطيبته هدير النحاس. 

وردا على الصورة، علق عمرو راضي بمجموعة من القلوب الحمراء ، فيما علقت هدير النحاس قائلة: «أحلي إكس في حياتي».

المنشور أثار حيرة مستخدمي مواقع التواصل الاجتماعي، حتى أن البعض علق قائلا: «بتتكلم على خطيبها بلاش سوء ظن - إيه الظلم دا، فاهمين غلط».

أول رد من عمرو راضي

وقال البلوجر الشاب عمرو راضي خلال خاصية "استوري" عبر تطبيق "انستجرام" الشهير: "ناس فاكرة نفسها أكثر منا احتراما وأدبا و بيفهموا في الأصول أكثر مننا، ومعرفش ويحكموا علينا من إيه وناسين إننا بنوريهم بسسس اللي عاوزين نوريهولهم". 

وأضاف البلوجر عمرو راضي: "طبعا علشان خالف تعرف، لو شايف الناس كلها بتبارك لحد ومبسوطيلنه، لازم أطلع أنا الجامد، أقول لا لا البيوت بتدخل من أبوابها، وفين الأهل وفين وفين، بجد بجد والله؟!، يعني أنا والبنت اللي بحبها نعرف بعض من سنة، ملنشا صورة واحدة نزلت حفاظا مني عليها كبنت، وإنه مينفعش بحكم إنه الناس عارفاني اربط اسمها باسمي إلا لو فيه حاجة رسمية". 

وتابع عمرو راضي بشأن تصدره وخطيبه هدير النحاس التريند: "هعرفونا الأصول، كوميديا سوداء والله، تفتكر واحد بيفكر كده، هيعمل كل ده من غير ما الأهل يعرفوا، أنا متأسف جدا للحكم الي قولتها كلها بس مضطر أبوظها واقولكوا اننا دااخلين البيت من بابه ومش محتاجين حد بيزايد علينا، حاول مرة اخرى، اللي عملاناه لا يقارن بأي شكل بدخول البيوت من أبوابها، احنا عارفين كدا وعملنا كدا". 

عمرو راضي يدافع عن صديقه 

وفيما يتعلق بصديق عمره محمد عصام علق راضي وكتب "قراية الفاتحة 14-1-2023، تطلعونا مش رجالة، وشوية تطلعونا هبل رايح اخطب ex انتيم عمري 15 سنة، عشان كومنت بتهزر فيه على نكتة بينا وبين صحابنا، عشان عشت مع انتيم عمري كله وجت هي اخدتنا من بعض، دا احنا من egypt جدا، خاف على مامتك مني بقي يا صاحبي محمد عصام الجمل، هتجوزها!!!!!". 

وتصدر أصدقاء راضي المشهد عقب تصدره التريند للدفاع عن صديقهم ومواجهه التعليقات السلبية، ففاجأ البلوجر هشام احمد متابعيه بالهجوم والرد اللاذع دفاعا عن صديقه معلقا: “ما خلاص بقى يا شباب كفاية غلط في عرض وشرف الناس عشان شوية هاها وضحك وشوية سكر وريتش وخفة دم.. "

يأتي ذلك بعدما كان البلوجر عمرو راضي قد عرض الزواج على حبيبته هدير النحاس وسط عرض فيلم داخل السينما، بشكل صفق له الكثيرون ووسط هتافات من المتواجدين، في الوقت الذي انتقده آخرون.