شاب يشوه رأس وجسد فتاة لرفض والدها ارتباطهما والشرطة «تفحص»
تفحص أجهزة الأمن منشورًا متداولًا لتشويه وجه وجسد فتاة علي يد شاب لرفض والدها ارتباطه بها.
ويقوم رجال المباحث بفحص المنشور المتداول للوقوف على ملابساته ومكان الواقعة.
وتداول نشطاء مواقع التواصل الاجتماعي منشورًا مدعومًا بالصور والفيديوهات، لفتاة اسمها فاطمة شرحت فيه تفاصيل تعرضها لتعدٍّ بمطواة على يد شاب كانت على علاقة عاطفية به.
وقالت الفتاة في منشورها:"انا امبارح أصعب يوم مر عليا كنت مرتبطة بواحد وانفصلنا من شهر وكان بيحاول يرجعني، واتكلم مع والدي في التليفون أنه يكون في حاجة رسمي وبابايا رفضه علشان شايفه مش مناسب ليا وأنه انا لسه صغيرة، وبعدها كلمني وشدينا في التليفون وشتمني أنا وأهلي بأوسخ الألفاظ وقفلنا».
وأضافت: «نزلت أتسحر مع أصحابي، وكنت مروحة أنا وصاحبتي، وزنق علينا بالعربية ونزل فتح الباب راح مطلع مطوة من جيبه وغرزها في دماغي، ومسكتش وقام غرزها فى رجلي وأغمي عليا وودوني على المستشفى، وخيطت 24 غرزة، وعملت محضر وهو هربان لحد دلوقتي، أنا مش عاوزة غير حقي، وخلوا بالكم يا جماعة من نفسكوا».
