السيسي: لم نغامر بالمصريين لكننا تأثرنا بجائحة كورونا والحرب الروسية
التقى الرئيس عبد الفتاح السيسي، اليوم الاربعاء، بأهالي مطروح والسلوم وسيدي براني، ليدير حوارا معهم، وقال السيسي خلال حواره مع أهالي مطروح، "الأزمة الاقتصادية الناس متأثرة بيها وأنا عارف إن الناس متأثرة بـ ارتفاع الأسعار وأنا عارف، مفيش أزمة بتمر على مصر إلا وإحنا متأكدين إنه بالعمل والإرادة والتخطيط وقبل كده بالله لإننا لا نبغي إلا الخير ومفيش عندنا هدف تاني غير كده، هنعدي الأزمة، هنعدي الأزمة بقدرة ربنا لأننا لا نبغي إلا الخير إلى جانب الجهد والإرادة، وفي 67 كان فيه تحدي كبير أوي وفيه 73 مرينا وعبرنا التحدي".
واضاف السيسي قائلاً "خلال الـ8 سنوات اللي فاتت كنا حريصين إننا منغامرش بالناس، ولكن جائحة كورونا والحرب الروسية إحنا معملناهمش ولكن بنتأثر بيهم ولكن إن شاء الله هنعدي التحدي، ومش علشان أنا مكمل ولكن دي حكمة ربنا في الدنيا البني آدم والعالم بيقابل تحديات وبالجهد والإرادة يتجاوز التحدي ويتغلب عليه، إحنا في صراع مع ظروفنا والظرف الاقتصادي تحدي وإحنا مصرين بفضل الله إننا نتجاوز التحدي".
وتابع السيسي: "لازم تكونوا متأكدين يا مصريين إننا قادرين نتغلب على أي تحدي مش بينا كمسئولين ولكن بتحمل الناس وبتفهم الناس نقدر نعدي، كان فيه أزمة كهرباء والانقطاع اللي فات وكان فيه أزمة كهربا حقيقية وعديناها بفضل الله".
وافتتح الرئيس عبد الفتاح السيسي اليوم العديد من المشروعات القومية والاستراتيجية في المنطقة الغربية بمحافظة مطروح والسلوم على جميع المحاور.
