السيسي: وظائف التكنولوجيا توفر مليارات الدولارات وتحتاج لعقل وحاسب فقط

أكد الرئيس عبد الفتاح السيسي، أهمية دعم الوظائف التكنولوجية الحديثة التي تتيح إمكانية توفير مبالغ مهمة، مشيراً إلى بعض الدول التي تمتلك عدد سكانها المحدودة وتعمل في مجال الوظائف التكنولوجية الحديثة مثل الدول الأخرى، مما يسهم في دفع عجلة التقدم الاقتصادي.

وقال السيسي خلال افتتاح مركز البيانات والحوسبة السحابية الحكومية، اليوم الأحد: "من غير ما أجيب أسماء دول.. فيه دول عندها عدد سكان بسيط جدا جدا لا يتعدي الملايين بعدد أصابع اليدين.. ويعمل في المستوى الثالث من الوظائف التكنولوجية الحديثة أكثر من نصف مليون شخص.. وممكن 750 ألفًا وكل واحد بيعمل 100 ألف دولار.. يعني 70 مليار دولار.. ده عقل.. لا عاوز مصنع ولا حاجة خالص.. ده عاوز دماغ وحاسب".

وأضاف الرئيس السيسي، خلال كلمته: "فيه دول تانية عددها 3 ملايين وعددها كبير والمستوي الثاني.. احنا شغالين في المستوي الأول.. اللى بيجب قد إيه وعددنا إيه؟؟.. هدفي أني أشاور لنفسي والناس اللي عندنا للحكومة والتربية والتعليم والتعليم العالي والإعلام والمفكرين والمثقفين.. 95 % من الصحراء فاضية مفيش حاجة.. مفيش غير الإنسان.. طب أنت مهتم تعلمه إيه؟.. هتقول لي أنت بتعلم.. عاملين جامعات وكليات وبرامج بعدد ضخم ونستهدف أرقاما من وجهة نظر الدكتور عمرو طموحة جدا ومن وجهة نظري متواضعة جدا.. عاوزين نخرج من اللى إحنا فيه".

وتابع الرئيس السيسي: "6 مليارات دولار ولا 4 مليارات دلوقتي.. أنا عاوز 100 و200 و300 مليار دولار.. مصر دولة كبير وطلبتها كتير ومش هتقدر تنتج كل الطلبات... وتقولوا الحاجة غالية.. وكل إنسان ومدير مدرسة وعميد كلية كان في دماغه ده ويقعد في برامج مع الشباب علشان يشوف منهم اللى عنده استعداد أكثر المعدلات اللى حاططها معدلات النمو السكاني أكبر من المعدلات دي".